105ஆவது அரியாலை சுதேசிய திருநாட் கொண்டாட்ட விழாவின் முன்னோடி கலை மற்றும் விளையாட்டுப்போட்டிகள் வரிசையில் இந்தவாரம்,
16.03.2024ஆம் திகதி சனிக்கிழமை காலை 09.00 மணியளவில் அரியாலை திருமகள் சனசமூக நிலைய உள்ளக அரங்கில் பேச்சுப்போட்டியும் (தமிழ், ஆங்கிலம்) அரியாலை சனசமூக நிலைய மைதானத்தில் பெண்களுக்கான வலைப்பந்தாட்ட சுற்றுப்போட்டி சிறப்பாக நடைபெற்றது.
வலைப்பந்தாட்ட சுற்றுப்போட்டியில், முதலாவது இடத்தை அரியாலை சனசமூக நிலைய அணியினரும், இரண்டாவது மற்றும் மூன்றாவது இடத்தை அரியாலை திருமகள் சனசமூக நிலைய அணியினரும் பெற்றுக்கொண்டனர்.
17.03.2024ஆம் திகதி ஞாயிற்றுக்கிழமை காலை 09.00 மணியளவில் அரியாலை சனசமூக நிலைய உள்ளக அரங்கில் சங்கீதம் மற்றும் பண்ணிசை போட்டிகளும், அரியாலை சரஸ்வதி சனசமூக நிலைய மைதானத்தில் ஆண்களுக்கான துடுப்பாட்ட சுற்றுப்போட்டியும் (11 வீரர்கள், 08 பந்துப்பரிமாற்றங்கள்) சிறப்பாக நடைபெற்றது.
துடுப்பாட்ட சுற்றுப்போட்டியில், முதலாவது இடத்தை அரியாலை உதய ஒளி சனசமூக நிலைய அணியினரும், இரண்டாவது இடத்தை அரியாலை கலைமகள் சனசமூக நிலைய அணியினரும், மூன்றாவது இடத்தை அரியாலை திருமகள் சனசமூக நிலைய அணியினரும் பெற்றுக்கொண்டனர்.
